SEUJARAH ACEH

SEUJARAH ACEH

Dengön saleum haba lôn mulai
Haba lôn rawi keu mandum syara
Bacut lôn pakat ngôn dewan juri

Jak tadeungoe lon calitra

“nanggroe aceh nyoe sueramoe meukah

Nanggroe meutuah pusaka kaya,

Nanggroe jih ubiet,hase meulimpah,

Gebrie lee Allah nyang maha kaya,...”

Thon 1607

Di Aceh meugah, syiah kuala
Yoeh saboeh masa,meusyuhu konle
Po teumeureuhom, iskandar muda
Yang mat kuasa, leupah that ade

Rakyat that seunang, aman sentosa
Adak agama, kuat bukoen le
Seuramoe meukah, meugah u lua
Meucuhu  nama, sampoe u meuse

Islam meudakwah deungoen seudatie

Meugrak-grak gaki meupeh-peh dada

Nanggroe acehnyoe that jie hormatie

Lee mandum nanggroe ban si gong donya

Thon 1873

Dikeumeujajah, oleh beulanda
Oh lheuhnyan nica, peutamoeng kafe
Acehnyoe  jiprang, jenuek kuasa
Rakyat sensara, rata lungkiek gle

Beudoeh pahlawan, yang teuga teuga
Meuprang gerliya, geulawan kafe
Geujoek ngoen modal, indonesia
Kapai  udara, ngoen geubloe bude

Yang phoen joek pangkai, indonesia
Yoeh goeh merdeka, meuprang ngoen kafe
Seulawah agam, seulawah dara
Kapai  udara , neucuba  pike

Keudeh blang padang, neujak pareksa
Mantoeng na rungka, kapai boeh  hate
Keu aneuk cucoe, seujarah bangsa
Bek  singoeh hana, bukeuti lahe

Keubit le  jasa, aceh  mulia
Peutheun merdeka ,geupubloe  mate
Peutheun agama, bek  kafe  cuca
Sidumnan jasa,  beuna jipike

Thon 1939

Aceh lhe sagoe, tanoeh pusaka
Peunulang bangsa, kaya bukoen le
Aceh that gigeih, peutheun merdeka
Indonesia, yoeh goh loem lahe
 

Tuema oh lheh nyan laen mubagoe

Haba politik didalam balom

Nanggroe mardeka ji mat suhartoe

Dum roe darah yoh masa dom

Nyawong disinoe abeh meulayang

Rakyat jeut korban di aceh raya

Han ek ta pikee nanggroe ta sayang

Ureung ji bantai lagee tan harga.

Dum aneuk manyak ji moe si at-at

Teu’ingat  ayah manoe ngoen darah

Inoeng balee pih dum meusapat

Beudouh baresan bela daerah

Thon 2004

Gempa that hebat dasyat kuasa

Hanco dum rata kuta meuligoe

Setangkei gabah meugah u lua

Hana le kuta mandum abeh bhoe

Nanggroe acehnyoe, cukoep mulia
Pusaka bangsa, meucuhu  konle
Meupakoen jinoe,  ka  taboeh  kada
Dum aneuk dara, male hana le

Hanale  male ,  dum aneuk  muda
Di urueng tuha , pih bangsat konle
Ka sapue  anggoek, putik  ngoen tuha
Sang nanggroe  lua,  agama  kafe

Ka gadoeh haroem, aceh mulia
Kabeh  seureupha,  adat  hana le
bak  dali  adat, takaloen nyata
Aceh  mulia, sang karap  reule

Aceh tsunami ,  tuhan bri bala
Sabe  saudara, ka  tameupake
Jinoe  ka  dame,  aman  sentosa
Bek le saudara,  tapuga pake

Bek tacue tumuet,  ngoen  ale  neuba
Mita peukara, keu bungoeng pake
Meumada  ohnoe, haba loen  rika
Peu ingat  bangsa, kuta deungoen gle